Show/Hide Menu
ताजा समाचार
काठमाडौँ । नेपाल कम्युनिष्ट पार्टीका संस्थापक महासचिव पुष्पलालको ४४औँ स्मृति दिवस आज विविध कार्यक्रम गरी मनाइँदै छ ।
यसै अवसरमा प्रमुख प्रतिपक्षी दल नेकपा एमालेका अध्यक्ष केपी शर्मा ओलीले पुष्पलाल श्रेष्ठको शालिकमा माल्यार्पण गरेका छन् ।
काठमाडौँस्थित ताम्सिपाखामा पुगेर उनले नेपाल कम्युनिष्ट पार्टीका संस्थापक महासचिव पुष्पलालको ४४औँ स्मृति दिवसका अवसरमा शालिकमा माल्यार्पण गरेका हुन् ।
नेपालको वाम प्रजातान्त्रिक आन्दोलनमा महत्त्वपूर्ण भूमिका निर्वाह गरेका पुष्पलालको २०३५ साल साउन ७ गते भारत प्रवासमा रहेको बेला निधन भएको थियो ।
२००५ सालमा पुष्पलालले मार्क्स र एंगेल्सद्वारा लिखित विश्व कम्युनिष्ट पार्टीको घोषणापत्रलाई नेपालीमा उल्था गरेका थिए । त्यसको एक वर्षपछि पुष्पलालले विसं २००६ वैशाखमा चारजना साथी निरञ्जन गोविन्द वैद्य, नारायण विलास जोशी, नरबहादुर कर्माचार्य र मोतीदेवी शाक्यसँग मिलेर पहिलो पटक भारतको कोलकातामा बसेर नेपाल कम्युनिष्ट पार्टीको स्थापना गरेका थिए ।
राणा विरोधी आन्दोलनमा शहीद भएका गङ्गालाल श्रेष्ठका माइला भाइ उनी दाजुको हत्या भएपछि १५ वर्षकै उमेरमा राणा शाहीविरोधी आन्दोलनमा सक्रिय रहेका थिए ।
