दशैँलक्षित नयाँ नोट सटही सुविधा २६ भदौदेखि

राष्ट्रपाटी न्युज

१४ भाद्र २०७९

काठमाडौँ । नेपाल राष्ट्र बैंकले दशैं, तिहार लगायतका चाडपर्वलाई लक्षित गर्दै २६ भदौदेखि नयाँ नोट सटही सुविधा उपलब्ध गराउने तयारी गरेको छ ।

राष्ट्र बैंक मुद्रा व्यवस्थापन विभागका प्रमुख समेत रहेका कार्यकारी निर्देशक रेवतीप्रसाद नेपालका अनुसार २६ भदौदेखि प्रतिव्यक्ति १८ हजार ५०० रुपैयाँको दरले नयाँ नोट सटही सुविधा उपलब्ध गराउने तयारी रहेको छ ।

सबै बैंक तथा वित्तीय संस्था र नेपाल राष्ट्र बैंकमार्फत् नयाँ नोट साट्न सक्ने व्यवस्था गरिने उनले बताए । २० भदौपछि मात्रै कहाँ-कहाँबाट नयाँ नोट साट्न सकिने भनेर सूचना प्रकाशित गर्ने तयारी रहेको उनले उनले बताए । काठमाडौं उपत्यकाबाहिर पनि बैंक तथा वित्तीय संस्थामार्फत नै आवश्यकताअनुसार राष्ट्र बैंकको प्रदेशस्थित कार्यालयबाट पनि नयाँ नोट साट्न सकिने उनले बताए ।


Published :१४ भाद्र २०७९


Copyright : © 2020-2024 All right reserved

Developed by: Abritti Media