Show/Hide Menu
ताजा समाचार
खोटाङ । खोटाङको केपिलासगढी गाउँपालिका–४ वाक्सिलाबजारमा भिषण आगलागी भएको छ ।
सोमबार साँझ स्थानीय दीपक गुरुङको घरबाट सुरु भएको आगोले गुरुङ, रमेश परियार, डिल्लीकुमार श्रेष्ठ, शुभराज राईको घर जलेको हो ।
व्यापार व्यवसाय सञ्चालन हुँदैआएको बजारका अन्य घरमा आगो फैलिन नदिन स्थानीय अकबर राईको घर स्काभेटर लगाएर भत्काइएको छ ।
प्रहरीका अनुसार खाना पकाउने ग्याँस पड्केर आगलागी भएको हो । आगो नियन्त्रणमा आएको छैन । दमकल नजिकमा नहुँदा आगलागी नियन्त्रणमा ठूलो समस्या भइरहेको छ ।
आगलागी नियन्त्रणको प्रयास भईरहेको छ । बाक्सिला प्रहरी चौकीबाट प्रहरी निरीक्षक किरण राईको कमाण्डमा टोली खटिएको टोलीले आगो नियन्त्रणको प्रयास जारी राखेको बताइएको छ । यसबारेको विस्तृत विवरण आउन बाँकी रहेको छ ।
