Show/Hide Menu
ताजा समाचार
काठमाडौं । ‘रेलवे फर्स्ट सर्भे एन्ड डिजाइन इन्स्टिच्युट ग्रुप को-अपरेट लिमिटेड’ले केरुङ-काठमाडौं रेलमार्गको विस्तृत सम्भाव्यता अध्ययन गर्ने भएको छ।
चीनको सो कम्पनीले केरुङ-काठमाडौं रेलमार्गका लागि ६ जना इन्जिनियहरूलाई मंगलबार नेपाल पठाएको छ । सन् २०१८ मै केरुङ-काठमाडौं रेलमार्गको पूर्वसम्भाव्यता अध्यययन सम्पन्न भएको थियो।
नेपालस्थित चिनियाँ दूतावासले भौतिक योजना तथा पूर्वाधार मन्त्रालयलाई सोमबार पत्र लेख्दै केरुङ-काठमाडौंको रेलमार्ग अध्ययनका लागि आएको चिनियाँ टोलीलाई सहयोग गर्न आग्रह गरेको छ ।
पत्रमा ‘रेलवे फर्स्ट सर्भे एन्ड डीजाइन इन्स्टिच्युट ग्रुप को-अपरेट लिमिटेड’ले रेलमार्गको सम्भाव्यता अध्ययन गर्ने उल्लेख छ । सो सम्भाव्यता अध्ययन चीन सरकारको अनुदानमा हुने मन्त्रालय स्रोतले बताएको छ।
गत चैतमा चिनियाँ विदेशमन्त्री वाङ यीको भ्रमणका क्रममा दुई देशका अधिकारीहरूबीच सम्भाव्यता अध्ययन गर्ने सम्झौता पत्रमा हस्ताक्षर भएको थियो । त्यसअघि सन् २०१९ मा चिनियाँ राष्ट्रपति सी जिनपिङको नेपाल भ्रमणका बेला सम्भाव्यता अध्ययनसम्बन्धी सम्झौतापत्रमा हस्ताक्षर भएको थियो।
