Show/Hide Menu
ताजा समाचार
काठमाडौँ । जनता समाजवादी पार्टी, नेपाल (जसपा) को संसदीय दलको निर्वाचन आज बुधबार हुने भएको छ । जसपा प्रचार विभाग प्रमुख पूर्ण बस्नेतका अनुसार आजका लागि संसदीय दलको निर्वाचनको कार्यतालिका तयार भएको छ ।
निर्वाचनका लागि मिथिलेसकुमार सिंहको संयोजकत्वमा जसपाले निर्वाचन समिति गठन गरिसकेको छ । समितिको सदस्यमा अर्जुन थापा र दिपेन्द्र झा रहेका छन् ।
सो दलको संसदीय दलको नेताका लागि नेताहरु अशोककुमार राई र राजकिशोर यादवले इच्छा व्यक्त गरेका छन् ।
जसपाले आज दिउँसो ११ देखि १२ बजेसम्म उम्मेदवारले मनोनयन दर्ता गर्ने र साँझ २ः३० देखि ३ः३० सम्म मतदान गर्ने कार्यतालिका निर्वाचन समितिले सार्वजनिक गरेको छ । संसदीय दलको नेतामा राईको सम्भावना बढी रहेको बताइएको छ ।
