Show/Hide Menu
ताजा समाचार
काठमाडौं । लुम्बिनी अल स्टार्सले नेपाल टी २० लिगमा शुक्रबार काठमाडौं नाइट्सलाई ३५ रनले पराजित गरेको छ ।
त्रिवि क्रिकेट मैदानमा टस जितेर ब्याटिङ थालेको लुम्बिनीले आठ विकेटको क्षतिमा एक सय ५० रनको योगफल तयार गरेको थियो ।
जवाफी ब्याटिङमा उत्रिएको काठमाडौंले आठ विकेट गुमाएर एक सय १५ रन मात्रै बनाउन सक्यो । काठमाडौंका लागि अज्मतुल्लाह ओमारजाईले ३८ रनबाहेक अन्य ब्याटरले उल्लेख्य प्रदर्शन गर्न सकेनन् ।
लुम्बिनी यसअघिका चार खेलमा अपराजित छ । काठमाडौंले भने तीनमध्ये दुई खेल जितेको छ । शुक्रबार नै हुने दोस्रो खेलमा फार वेस्टर्न युनाइटेड र पोखरा एभेन्जर्स भिड्नेछन् ।
