सत्ता टिकाउन गठबन्धनले घटिया काम गर्न थाल्योः नेता ज्ञवाली

राष्ट्रपाटी न्युज

१४ श्रावण २०८०

धनगढी । नेकपा एमालेका नेता एवं केन्द्रीय उपमहासचिव तथा स्कुल विभााग प्रमुख प्रदीप ज्ञवालीले गठबन्धन सरकार सत्ता टिकाउन जस्तोसुकै घटिया काम गर्न थालेको आरोप लगाएका छन्।

नेकपा एमाले सुदूरपश्चिम प्रदेश स्कुल विभागले आयोजना गरेको प्रशिक्षण कार्यक्रमको उद्घाटन गर्दै ज्ञवालीले यस्तो आरोप लगाएका हुन् ।

ज्ञवालीले भने, ‘सत्ता टिकाउन अहिलेको सरकार जस्तोसुकै घटिया काम गर्न थाल्यो ।’ उनले ललिता निवास प्रकरणमा निर्णय गर्नेहरु गठबन्धनमै रहे पनि सरकारले उनीहरुसँग सोधपुछ गर्ने सम्मको हिम्मत नगरेको बताए ।

‘ललिता निवास जग्गा प्रकरणमा निर्णय गर्नेहरु गठबन्धनमै छन्, सरकारले उनीहरुलाई सोधपुछसमेत गरेन, यसलाई कसरी निष्पक्ष भन्ने?’, ज्ञवालिले प्रश्न गरे । व्यापार घाटा डरलाग्दो अवस्थामा रहे पनि सरकार त्यसबारेमा छलफलमै जान नचाहेको उनको आरोप छ ।


Published :१४ श्रावण २०८०


Copyright : © 2020-2025 All right reserved

Developed by: Abritti Media