Show/Hide Menu
ताजा समाचार
विराटनगर । एमाले नेता हिक्मतकुमार कार्कीले कांग्रेस असंवैधानिक र अमर्यादित ढंगले अगाडि बढेको बताएका छन् ।
मंगलबार विराटनगर विमानस्थलमा सञ्चारकर्मीसँग कुरा गर्दै कार्कीले सभामुखलाई राजीनामा गर्न लगाएर सत्ता गठबन्धनले अमर्यादित कार्य गर्न लागेको बताएका हुन् ।
उनले सर्वोच्च अदालतले उद्धव थापालाई बर्खास्त गरेर आफूलाई मुख्यमन्त्री पदमा काम चलाउको रुपमा बहाली गर्न आदेश भएपनि प्रदेशमा त्यस अनुसार तयार नभएको बताए । उनले एमाले संविधान र विधि अनुसार जाने र बलजफ्ती रुपमा कोसी प्रदेशको सरकारमा नजाने बताए ।
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले कांग्रेस र एमाले मिलेर सरकार गठन गर्न आग्रह गरेको उल्लेख गर्दै उनले आफ्नो मान्यता पनि त्यही रहेको उल्लेख गरे ।
कार्कीले समय अझैँ बाँकी रहेकाले संख्या पुगेको खण्डमा सरकारको दाबी गर्ने धारणा राखे ।
