Show/Hide Menu
ताजा समाचार
काठमाण्डौ । प्रमुख प्रतिपक्षी नेकपा माओवादी केन्द्रले प्रतिनिधिसभाको सार्वजनिक लेखा समितिका सभापति ऋषिकेश पोखरेललाई राजीनामा दिन आग्रह गरेको छ । पोखरेलकी श्रीमती अञ्जलाविरुद्ध सहकारीको बचत ठगीको आरोपमा पक्राउ पूर्जी जारी भएको छ ।
श्रीमतीविरुद्ध पक्राउ पूर्जी जारी हुने तर श्रीमान् भने संसदको महत्वपूर्ण समितिको सभापतिकै रूपमा बस्नु कानुनी र नैतिक हिसाबले उचित नहुने माओवादीको माग छ । पोखरेल सभापति रहेसम्म श्रीमतीमाथिको अनुसन्धान पनि प्रभावित हुने माओवादीका सांसद अमनलाल मोदीको भनाइ छ ।
सार्वजनिक रूपमा प्रश्न उठिसकेको व्यक्ति लेखा समितिको सभापति पदमा बसिरहन नमिल्ने मोदीको भनाइ छ । सार्वजनिक लेखा समितिलाई सरकारको छाया बनाइएको पनि उहाँकाे आरोप छ । तर एमाले र कांग्रेसका सांसदहरुले भने सभापति ऋषिकेश पोखरेलको बचाउ गर्दै राजीनामा दिनुपर्ने कुनै बाध्यता नभएको बताएका छन् ।
