Show/Hide Menu
ताजा समाचार
काठमाडौँ । भारतको गुजरात राज्यमा एक पटाका गोदाममा भएको विस्फोटपछि आगलागी हुँदा १७ जनाको मृत्यु भएको छ भने पाँच जना घाइते भएका छन् ।
बनासकाँठा जिल्लाको डीसा नगरमा भएको यस घटनामा गोदामको केही भाग भत्किएको र कैयौँ मानिस फसेको भारतयि सञ्चार माध्यमले जनाएका छन् ।
मृतकमध्ये अधिकांश मजदुर रहेका छन् । शुरुमा ६ जनाको मृत्यु भएको खबर आएपनि आगो नियन्त्रणमा आएपछि खोजी गर्दा मृतक संख्या बढेको हो । घटनाका बेला कति मजदुरहरू उपस्थित थिए भन्ने अझै यकिन हुन सकेको छैन।
भारतीय प्रहरीले घटनाको अनुसन्धान शुुरु गरिसकेको जनाएको छ । भारतमा पटाका कारखाना र गोदामहरूमा सुरक्षाका मापदण्डहरू बेवास्ता गरिने भएकाले यस्ता दुर्घटना बारम्बार हुने गरेका छन । (एजेन्सी)
