एमाले महाधिवेशन : दुई आयोगका पदाधिकारी र ८ केन्द्रीय सदस्य निर्विरोध निर्वाचित

राष्ट्रपाटी न्युज

पुस १, २०८२

काठमाडौं । नेकपा एमालेको ११ औं राष्ट्रिय महाधिवेशनका लागि दुई आयोगका पदाधिकारी र ८ जना केन्द्रीय सदस्यहरू निर्विरोध निर्वाचित भएका छन्। केन्द्रीय निर्वाचन आयोगले प्रकाशन गरेको प्रारम्भिक नामावलीमा तोकिए कोटाभन्दा बढी उम्मेदवारी नपर्दा उनीहरु निर्विरोध निर्वाचित भएका हुन् ।

एमालेको खुला केन्द्रीय सदस्यमा खुला युवा क्लस्टर दुई जनाको कोटा छुट्याइएको थियो । जसमा नरेश रोकाया र सुशील थापाको मात्रै उम्मेदवारी परेपछि उनीहरु निर्विरोध बने । त्यस्तै, मधेशी युवा क्लस्टरमा अमर कुमार यादव र मुस्लिम महिलातर्फ खाजिदा खातुन सिद्धकी निर्विरोध निर्वाचित भए।

यसैगरी अनुशासन आयोग र लेखा आयोगका अध्यक्ष, उपाध्यक्ष र सचिव पद निर्विरोध भएको हो ।

अनुशासन आयोगको अध्यक्षमा प्रा.डा. भरतराज पहाडी, चक्रबहादुर पराजुली, राजेन्द्र घिमिरे निर्विरोध भएका छन् । लेखा आयोगको अध्यक्षमा डा.पुष्पराज कँडेल निर्विरोध बने। यसअघि पनि लेखा आयोगमा कँडेल नै थिए । त्यस्तै, उपाध्यक्षमा घनेन्द्र राज घिमिरे र सचिवमा ईश्वरी प्रसाद खरेल निर्विरोध भए ।

खुला केन्द्रीय सदस्य – युवा

१ नरेश रोकाया

२ सुशील थापा

मधेशी – युवा

१ अमर कुमार यादव

मुस्लिम (महिला)

१) खाजिदा खातुन सिद्धकी

श्रमिक महिला

१) कमला देवी तामाङ

२) सिता लामा

पिछडिएको क्षेत्र (महिला)

१) बदमी क्वाँरी बुढा (बोहरा)