Show/Hide Menu
ताजा समाचार
काठमाडौँ । राष्ट्रिय सभा सदस्य निर्वाचनमा नेपाली कांग्रेस, नेकपा (एमाले) जसपा गठनबन्धनका १८ उम्मेदवार विजयी भएका छन् ।
निर्वाचन आयोगका अनुसार कोशी प्रदेशबाट एमालेका सोमनाथ पोर्तेल र रोशनी मेचे निर्वाचित भएका छन् । अन्य समूहतर्फ नेपाली कांग्रेसका सुनिल थापा यसअघि नै निर्विरोध निर्वाचित भइसकेका थिए ।
मधेश प्रदेशमा चार लोकतान्त्रिक समाजवादी पार्टी नेपालका अध्यक्ष एवम् जसपा नेपालका संरक्षक महन्थ ठाकुर, महिलातर्फ एमालेका रेखा झा, दलिततर्फ नेपाली कांग्रेसका धमेन्द्र पासवान र अपाङ्ग भएका व्यक्तिरअल्पसंख्यक समुहतर्फ नेपाली कांग्रेसका रंजित कर्ण विजयी भएका छन् ।
बागमती प्रदेशबाट महिलातर्फ कांग्रेसकी गीता देवकोटा र अन्य समूहबाट एमालेका प्रेमप्रसाद दंगाल निर्वाचित भएका छन् ।
लुम्बिनी प्रदेशबाट महिलातर्फ एमालेकी रामकुमारी झाँक्री र अन्यतर्फ कांग्रेसका चन्द्रबहादुर केसी र अपाङ्गरअल्पसङ्ख्यक कोटामा बासुदेव घिमिरे विजयी भएका छन् ।
गण्डकी प्रदेशबाट नेपाली कांग्रेसका उम्मेदवार जगत तिमिल्सिना र एमाले की उम्मेदवार सम्झना देवकोटा निर्वाचित भएका छन् ।
कर्णाली प्रदेशमा नेपाली कांग्रेसका उम्मेदवार ललितजंग शाही र नेकपा (एमाले) का उम्मेदवार मिनासिंह रखाल विजयी भएका छन् । सुदूरपश्चिम प्रदेशबाट नेकपा (एमाले)का लीला भण्डारी र नेपाली कांग्रेसका खम्मबहादुर खाती निर्वाचित भएका छन् ।
