Show/Hide Menu
ताजा समाचार
काठमाडौं । नेकपा एमालेको एकता कायम गर्नकालागि सिंहदरबारमा बसेको कार्यदल बैठक सकिएयो छ । बैठक सौहार्दपूर्ण र सकारात्मक रहेको नेताहरुले बताएका छन् ।
बैठकबाट निस्केर एमाले उपाध्यक्ष भीम रावलले पार्टीभित्रका आन्तरिक समस्यामाथि गम्भीर विश्लेषण भएको बताए ।
उनले भने, ‘आज कुनै निश्चित विषयवस्तुमा प्रवेश गरेनौं । समस्या समाधानका लागि सबैले प्रयास गर्ने र पार्टीमा एकता कायम गर्ने विषयमा छलफल भयो । यो बैठकलाई निरन्तरता दिने सहमति भएको छ ।’
माधव पक्षकै अर्का नेता गोकर्ण विष्टले पनि बैठक हार्दिक र सकारात्मक भएको बताए । एमालेका सबै कार्यकर्ता तथा आमजनताले पनि पार्टी एकताको अपेक्षा राखेको भन्दै उनले यसका लागि आफूहरु गम्भीर रहेको बताए ।
‘आजको बैठकमा विभिन्न विषयमा रिपोर्टिङ भएका छन् । यसअघि अनौपचारिक तवरमा भएका कुराहरुलाई औपचारिक छलफलमा ल्याइएको छ । शीर्ष नेतृत्वमा पनि औपचारिक संवादको वातावरण बनेको छ,’ उनले भने ।
