Show/Hide Menu
ताजा समाचार
काठमाडौं । नेकपा एमालेका अध्यक्ष तथा प्रधानमन्त्री केपी शर्मा ओली र वरिष्ठ नेता माधवकुमार नेपालबीचको वार्ता सकिएको छ ।
वार्तामा ठोस सहमति नभए पनि सकारात्मक रहेको नेताहरुले बताएका छन् ।
वार्तामा सहभागी नेता सुरेन्द्र पाण्डेका अनुसार पहिले दुवै तर्फका दोस्रो तहका नेताहरुसहित कुराकानी भएको थियो । त्यसपछि ओली-नेपाल वान अन वान वार्तामा बसेका थिए ।
पाण्डेले भने, ‘सकारात्मक ढंगले कुरा भएको छ । भोली कार्यदलको बैठक बस्छ ।’
उपाध्यक्ष भीम रावलले लामो समयदेखि विभिन्न समस्यामा गम्भीर कुराकानी गर्नुपर्ने र गहिराइमा लैजानुपर्ने आवश्यकता रहेको बताए । विष्णु पौडेलले कुनै प्रतिक्रिया दिएनन् ।
आजको वार्तामा ओली पक्षबाट ईश्वर पोखरेल, विष्णु पौडेल र सुवास नेम्वाङ सहभागी थिए । यस्तै, नेपाल पक्षबाट भीम रावल र सुरेन्द्र पाण्डेको सहभागीता थियो ।
