काठमाडौं । नेपालमा पछिल्लो २४ घण्टामा ६२० जना कोरोना संक्रमित थपिएका छन् ।
पछिल्लो २४ घण्टामा २ हजार ६९१ पीसीआर र ३ हजार १९५ जनाको एन्टीजेन परीक्षणका क्रममा ६२० जना संक्रमित थपिएका स्वास्थ्य तथा जनसंख्या मन्त्रालयले जनाएको छ।
त्यस्तै पछिल्लो २४ घण्टामा २९७ जना संक्रमित निको भएका छन् । योसँगै देशभर निको हुनेको संख्या ९ लाख ७ हजार ९२ पुगेको छ।
उक्त अवधिमा एक जना कोरोना संक्रमितको मृत्यु भएको छ । देशभर हाल ४५६७ जना सक्रिय संक्रमित रहेका मन्त्रालयले जनाएको छ ।