Show/Hide Menu
ताजा समाचार
काठमाडौं । पत्रकार नवराज चालिसे र माधव पौडेल गोविन्द वियोगी पत्रकारिता पुरस्कारबाट सम्मानित हुने भएका छन् । सम्पादक समाज नेपालको पुस २२ गते बसेको कार्यसमिति बैठकले पत्रकारद्यलाई पुरस्कृत गर्ने निर्णय गरेकाे हो ।
सम्पादक समाज नेपालको सो बैठकले “गोविन्द वियोगी पत्रकारिता पुरस्कार—२०७९” न्यूज २४ का कार्यक्रम संयोजक चालिसेलाई प्रदान गर्ने निर्णय गरेको हो ।
यसैगरी बैठकले यस नेपालफेस डटकमका सम्पादक माधव पौडेललाई यस वर्षको “गोविन्द वियोगी विशेष पत्रकारिता पुरस्कार”बाट पुरस्कृत गर्ने निर्णय गरेको छ ।
सम्पादक समाज नेपालका संस्थापक अध्यक्ष स्व.गोविन्द वियोगीको स्मरणमा स्थापना गरिएका यी पुरस्कारको राशी क्रमशः. २५,००१।— र १५,००१।— रहेको छ ।
समाजको सोही बैठकले नेपालमा टेलिभिजनको स्थापना र प्रशारणमा अमूल्य योगदान पु-याउने निर शाह, वरिष्ठ पत्रकार खिलध्वज थापा, बुँद राना र विमला तुम्खेवालाई सम्पादक समाज सम्मान २०७९ बाट सम्मानित गर्ने निर्णय गरेको महासचिव श्याम डोटेलद्वारा जारी विज्ञप्तिमा प्रेस विज्ञप्तिमा उल्लेख गरिएको छ ।
स्व. गोविन्द वियोगीको स्मृति दिवस पारेर सम्पादक समाज नेपालद्वारा प्रदान गरिने यी पुरस्कार र सम्मान समाजको शिवपुरी—७, गोविन्द वियागी मार्ग, सूर्यचौरस्थित आफ्नै भवनमा आगामी २०७९ माघ ७ गते शनिवारका दिन प्रदान गर्ने भएको छ ।
