काठमाडौं । नेपाल प्रहरीका १३ जना एसएसपी डीआईजीमा बढुवाका लागि सिफारिस भएका छन् । बुधबार बढुवा समितिको बैठकले उनीहरूलाई डीआईजीमा बढुवा गर्न सिफारिस गरेको हो ।

गृह मन्त्रालयले समितिको सिफारिसअनुसार बढुवा सिफारिस सूची प्रकाशित गरेको छ। सिफारिस हुनेमा पहिलो नम्बरमा कुवेर कडायत छन्। त्यसपछि केदार ढकाल, विष्णु बहादुर केसी, भरत बहादुर बोहरा, रवीन्द्र केसी, राजेशनाथ बास्तोला, चन्द्र कुवेर खापुङ, जनक भट्टराई, लालमणि आचार्य, सुरेन्द्र प्रसाद मैनाली, अर्जुन चन्द ठकुरी, यज्ञ विनोद पोखरेल र विकास राज खनाल रहेका छन् ।

---

---