Show/Hide Menu
ताजा समाचार
काठमाडौँ । लेबनानमा खटिएका सम्पूर्ण नेपाली शान्ति सैनिक सुरक्षित रहेका नेपाली सेनाले जनाएको छ । सैनिक प्रवक्ता गौरवकुमार केसीले संयुक्त राष्ट्रसङ्घको आह्वानमा शान्ति स्थापनार्थ त्यहाँ रहेका नेपाली फौजसँग नियमित सम्पर्क भइरहेको र सम्पूर्ण फौज सुरक्षित रहेको जानकारी दिएका छन् ।
लेबनानको विकसित परिस्थितिका आधार संयुक्त राष्ट्रसङ्घ र मिसन मुख्यालयबाट हुने निर्णय र निर्देशानुसार नेपाली शान्ति सैनिक खटाइने प्रवक्ता केसीले बताएका छन् ।
हाल लेबनानमा आठ सय ७७ नेपाली शान्ति सैनिक रहेको जानकारी दिँदै प्रवक्ता केसीले भनेका छन् “शान्ति मिसन वरपर छिटपुट घटना भएका छन्, यसबाट दैनिकी र कार्यसम्पादनमा असर परिरहेको छ, संयुक्त राष्ट्रसङ्घको निर्देशन नेपाली शान्ति सेनाले पालना गर्नेछ ।”
