Show/Hide Menu
ताजा समाचार
काठमाडौं । वरिष्ठ अधिवक्ता दिनेश त्रिपाठीमाथि भएको भौतिक आक्रमणको विरोधमा कानुन व्यवसायीहरूले प्रदर्शन गरेका छन् । आइतबार सर्वोच्च बार एशोसिएशनको अगुवाइमा नेपाल बार एशोसिएशनको प्राङ्गणमा प्रदर्शन गरेका हुन् ।
कानुन व्यवसायीहरूले त्रिपाठीमाथि कुटपिटमा संलग्नहरूलाई कानुनी कारबाहीको दायरामा ल्याई कडा कारबाही गर्न माग गर्नुपर्ने, विधिको शासनमा अदालतमा पक्ष र विपक्षका बीचमा बहस गर्न पाउने जो सुकैलाई पनि अधिकार सुरक्षित हुनुपर्नेलगायतका माग गरेका छन् ।
गत बुधबार रवि लामिछाने जोडिएको सहकारीका पीडितको पक्षबाट बहस गरेर फर्किँदै गर्दा अदालत परिसरमै वरिष्ठ अधिवक्ता त्रिपाठीमाथि कुटपिट भएको थियो ।
त्रिपाठीमाथि भएको दुर्व्यवहारमा संलग्नलाई खोजेर नियन्त्रणमा लिएर अनुसन्धान भइरहेको प्रहरीले जनाएको छ ।
