आज दिउँसो देशभरिको मौसम सफा रहने

हाल देशमा कुनै पनि मौसमी प्रणालीको उल्लेखनीय प्रभाव रहेको छैन।

जल तथा मौसम पूर्वानुमान महाशाखाका अनुसार सोमबार बिहान देशका पहाडी तथा हिमाली भू-भागको मौसम मुख्यतया सफा रहेको छ।

तराईका धेरै स्थानहरूमा हुस्सु/कुहिरो लागेको छ।

कोशी प्रदेशका तराईका भूभागमा लागेको हुस्सु/कुहिरो मध्याह्नपछि मात्रै क्रमिक रूपमा  सुधार हुने र बाँकी प्रदेशका तराई भूभागमा लागेको हुस्सु कुहिरो मध्याह्नसम्ममा सुधार हुने महाशाखाले जनाएको छ।

सोमबार दिउँसो देशभरिको मौसम सफा रहने पूर्वानुमान छ।

राति भने लुम्बिनी, कर्णाली र सुदूरपश्चिम प्रदेशका पहाडी भूभागमा आंशिक बदली रहने पूर्वानुमान छ। बाँकी भूभागमा मौसम सफा रहने महाशाखाले जनाएको छ।

बिहान हुस्सु कुहिरोको प्रभावले मध्यान्न सम्मको समयमा तराई भू-भागको दैनिक जनजीवन, स्वास्थ्य, सडक तथा हवाई यातायातमा प्रभाव पर्न सक्ने हुँदा त्यसबाट हुन सक्ने असरबाट समेत बच्न आवश्यक उपायहरू तथा सतर्कता अपनाउन महाशाखाले अनुरोध गरेको छ।


Published :२१ माघ २०८१


Copyright : © 2020-2025 All right reserved

Developed by: Abritti Media