मेयर बालेन शाहको निर्देशनमा महानगरको प्रहरी टोलीले उनलाई कार्यालय प्रवेश गर्न रोक लगाएका थिए । महानगरका प्रहरीको घेरा तोड्दै कर्मचारीहरूले उनलाई कार्यकक्षसम्म पुर्याएका हुन ।
काठमाडौं टावरको नक्सा पास गर्दा अनियमितता गरेको आरोप लगाउँदै मेयर शाहले गुरागाईलाई गत पुस ७ गतेदेखि अघोषित रुपमा निलम्वन गरेका थिए । उनले गाडीमा ह्वील लगाइदिएका थिए भने कार्यकक्षमा ताला लगाइदिएका थिए । त्यसपछि गुरागाईंलाई बिदामा बसेका थिए । त्यसपछि नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएपछि अहिले महानगर प्रमुख प्रशासकीय अधिकृतविहीन थियो । जसले गर्दा तलव खान समेत नपाएपछि कर्मचारीहरू आक्रोशित बनेका थिए ।
यसैबीच काठमाडौं महानगरपालिकाकी उपमेयर सुनिता डंगोलले ले मेयर शाहप्रति असन्तुष्टि व्यक्त गरेक छिन् । कोठामा बसेर निर्देशन नदिनका लागि मेयर शाहलाई उनले चेतावनी दिएकी छिन् ।
बिहीबार प्रमुख प्रशासकीय अधिकृत गुरागाईंलाई हाजिर गर्न महानगरस्थित कार्यकक्ष पुगे लगत्तै मेयर डंगोलसहितको बैठक बसेको थियो ।
बैठकमा उपमेयर डंगोलले घटनाक्रमबारे आफूहरू जानकार रहेको भन्दै कोठामा बसेर निर्देशन नदिन मेयर शाहलाई आग्रह गरिन् । ‘मन्त्रालयबाट पठाएपछि प्रमुख प्रशासकीय अधिकृत हाजिर गर्न आउनु भएको छ,’ उनले भनिन्, ‘उहाँ हाजिर गर्न आउँदा यो झटपको अवस्था हुनु राम्रो कुरा होइन । कर्मचारी–कर्मचारीबीच लडाईं हुनु पनि राम्रो होइन ।’
यस्तो मनमुटाव संस्थाभित्र हुनुहुँदैन भन्दै उपप्रमुख डंगोलले भनिनु् ‘यो तमासा हामीले हेर्नुपर्ने ? मेयरको आदेश हो भने मेयर अघि आउनुपर्छ । होइन भने कोठामा बसेर आदेश दिन पाइँदैन, पहिला आजको विषय समाधान गर्छौं । त्यसपछि बोर्ड बैठक बस्छौँ । आजका लागि यो समस्या समाधान गर्नुपर्छ ।’
