Show/Hide Menu
ताजा समाचार
बुढानीलकण्ठ। बुढानीलकण्ठ नगरपालिका वडा नं – ९ ले श्रीकृष्ण जन्माष्टमिको पावन अवसरमा राधाकृष्ण मन्दिर क्षेत्रमा भव्य पुजा तथा प्रसाद ग्रहण कार्यक्रम सम्पन्न गरेको छ। वडा कार्यालयको सहयोगमा भर्खरै पुनर्निर्माण सम्पन्न भएको भव्य संरचनामा श्रदालु भक्तजनका लागि सहजीकरण गर्दै विशेष व्यबस्थापन गरिएको वडाध्यक्ष सुमित्रा त्रिपाठी पाण्डेले जानकारी दिएकि छन्।
उक्त कार्यक्रममा सहभागी हुन बागमती प्रदेश सरकारका श्रम, रोजगार तथा यातायात मन्त्री जयराम थापा,बुढानीलकण्ठ नगरपालिकाका नगर प्रमुख मिठाराम अधिकारी, उपप्रमुख अनिता लामा, वडाध्यक्षहरु , अन्य जनप्रतिनिधिहरु लगायत हजारौं भक्तजनहरु सहभागी बनेको बताइएको छ।
कार्यक्रममा बिभिन्न भजन समुहहरुबाट उत्कृष्ट भजनहरु प्रस्तुत गरिएको थियो भने आगन्तुक भक्तजनहरुको सुबिधाको लागि टेण्ट सहित मोही एवं प्रसाद ग्रहणको व्यबस्था समेत गरिएको थियो।
