Show/Hide Menu
ताजा समाचार
काठमाडौँ । काठमाडौँ उपत्यकामा निरन्तर वर्षा भइरहेको छ । शुक्रबारदेखि लागेको झरी शनिबार बिहान एकैछिन रोकिएको भए पनि त्यसपछि फेरि निरन्तर परिहेको छ ।
अहिलेसम्म कुनै अप्रिय घटना नभएको सशस्त्र प्रहरी बल नेपाल नं २० (विपद् उद्धार) गण सिनामंगलले जनाएको छ ।
सशस्त्रका अनुसार शुक्रबारदेखि अहिलेसम्म निरन्तर माइकिङ गरी सचेतना अपनाउन आग्रह गरिरहेको छ ।
मध्यान्हदेखि अझ ठूलो वर्षा हुने भएकाले सचेतना अपनाउन मौसम पूर्वानुमान महाशाखाले आग्रह गरेको छ । सो अनुसार विभिन्न सम्बन्धित निकायले तयारी गरेका छन् ।
अहिले खोलानाला वृद्धि हुने क्रममा रहे पनि अप्रिय घटना भने भइनसकेको जनाइएको छ ।
वर्षाको खतरा मध्यान्हदेखि हुने भएकाले तयारी अवस्थामा भएको सुरक्षा निकायहरूले जनाएका छन् ।
वर्षाका कारण जनजीवन अस्तव्यस्त भएको छ । बडादशैँको आज तेस्रो दिन टीका लगाउने क्रम चलिरहे पनि सतर्कता अपनाएर बाहिर निस्कन अनुरोध गरिएको छ ।
