Show/Hide Menu
ताजा समाचार
काठमाडौँ । हाल देशमा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ।
महाशाखाले आज (आइतबार) बिहान ८ बजे जारी गरेको बुलेटिनअनुसार सबै प्रदेशमा आंशिक बदली छ।
साथै कोसी प्रदेश, मधेस प्रदेश र सुदूरपश्चिम प्रदेशका तराई भूभागका एक-दुई स्थानमा कुहिरो तथा बाँकी तराई तथा उपत्यकाका केही स्थानमा हुस्सु लागेको छ।
महाशाखाका अनुसार दिउँसो देशभर आंशिक बदली रहनेछ।
राति भने कोसी प्रदेश, गण्डकी प्रदेश, कर्णाली प्रदेश र सुदूरपश्चिममा आंशिक बदली रही बाँकी प्रदेशमा मौसम मुख्यतया सफा रहने छ।
यस्तै राति गण्डकी प्रदेश, कर्णाली प्रदेश र सुदूरपश्चिमका हिमाली भूभागका एक-दुई स्थानमा हल्का वर्षा/हिमपातको सम्भावना छ ।
