Show/Hide Menu
ताजा समाचार
काठमाडौं । साताको पहिलो कारोबार दिन आइतबार सेयर बजार उच्च अंकले बढेर बन्द भएको छ। यसदिन नेप्से परिसूचक ४७.५५ अंकले बढेर २६३३.४२ विन्दुमा पुगेको छ। सेन्सेटिभ इण्डेक्स ८.२५ अंकले बढेर ४५६.७८ विन्दुमा अडिएको छ।
३२८ स्क्रिप्सको १ करोड ३४ लाख ६८ हजार १४५ कित्ता सेयर ५ अर्ब ५३ करोड १३ लाख ७० हजार ६१ रुपैयाँमा खरिदबिक्री भए। कारोबारमा आएकामध्ये २३८ वटा स्टक्सको मूल्य बढ्दा २१ वटाको घट्यो।
नेप्से दोहोरो अंकले बढे पनि कुनै पनि कम्पनीको सेयर सकारात्मक सर्किट लेभलमा कारोबार हुन स सकेन। मिड सोलु हाइड्रोपावरको सेयर सर्वाधिक ९.४९ प्रतिशतले बढ्यो। विन नेपाल लघुवित्त वित्तीय संस्थाका लगानीकर्ताले भने आज सर्वाधिक गुमाए। सो कम्पनीको सेयर १० प्रतिशतले घट्यो।
कारोबार रकमका आधारमा युनियन हाइड्रोपावर शीर्षस्थानमा रह्यो। सो कम्पनीको २७ करोड बराबरको सेयर कारोबार भयो। यस्तै मञ्जुश्री फाइनान्सले २४ करोडको कारोबार गर्दा सिनर्जी पावरको २२ करोड,एवाइ प्यानल नेपालको १८ करोड र शिवम् सिमेन्टको १७ करोड बराबरको सेयर कारोबार भयो। १३ वटै समूहको उपसूचक सकारात्मक देखिएका छन्।
