बूढानीलकण्ठ। नेकपा एमालेले देशव्यापी रूपमा चुनाव अभियानलाई तिब्रता दिएको छ।यही योजना अनुरुप बूढानीलकण्ठ नगरपालिका भर टोल कमिटी गठन, सपथ ग्रहण कार्यक्रम, पार्टी प्रवेश एबम कार्यलय उद्घाटन लगायतका कार्यक्रम सन्चालन भएका छन् ।आज मात्रै १३ वटा मध्य ९ वटा वडामा सपथ ग्रहण तथा प्रशिक्षण कार्यक्रम सम्पन्न भएका छन् ।
यसैबीच नेकपा एमाले बूढानीलकण्ठ १२ कमिटीले आज सपथ ग्रहण तथा प्रशिक्षण कार्यक्रम सम्पन्न गरेको छ। उक्त वडाको एभरशाईन पार्टी प्यालेशमा आयोजना गरिएको कार्यक्रममा वडाभर गठन गरिएका टोलकमिटी तथा जनबर्गिय संगठनका कमिटीहरुलाइ सपथ ग्रहण एबम प्रशिक्षण गराइएको थियो । नेकपा एमालेका स्थायी कमिटी सदस्य डा राजन भट्टराईको प्रमुख आतिथ्यतामा उक्त कार्यक्रम सम्पन्न भएको थियो ।
उक्त कार्यक्रम सम्पन्न भएपछि नेकपा एमाले वडा नम्बर १२को कार्यालय उद्घाटन गरिएको थियोे ।नेकपा एमाले बागमती प्रदेश कमिटी सदस्य एबम बूढानीलकण्ठ नगरपालिकाका प्रमुख उद्बव खरेलले रिबन काटेर टेलिकम नजिकै रहेको उक्त कार्यालयको उद्घाटन गरेका हुन् । कार्यक्रम उद्घाटन गर्न एमाले  समर्थकहरुले चुनावी नारा सहित सुर्य चिन्हमा भोट मागेका थिए भने चुनावी माहोल बन्दै गएको संकेत मिलेको थियो ।

---

---