Show/Hide Menu
ताजा समाचार
काठमाडौं । काठमाडौंको फोहोर लिएर बञ्चरेडाँडा ल्याण्डफिल साइट पुगेका गाडीमाथि स्थानीयले ढुंगामुढा गरेका छन् । स्थानीयको ढुंगामुढापछि फोहोर नखसाली फोहोरका गाडी काठमाडौँ फिर्ता गरिएको छ ।
काठमाडौं महानगरपालिकाका ल्यान्डफिल साइट इन्चार्ज सरकारदीप श्रेष्ठका अनुसार प्रहरीको उच्च सुरक्षाबीच लगिएको फोहोर बोकेको गाडी स्थानीयको ढुंगामुढापछि फिर्ता गरिएको हो । केही गाडीले ल्याण्डफिल साइटमा फोहोर खसाले पनि स्थानीय वासिन्दाले गाडीमा ढुंगामुढा गर्न थालेपछि धेरैजसो गाडी फोहोरसहित फिर्ता गरिएको छ ।
स्थानीय वासिन्दाको ढुंगा मुढाबाट केही प्रहरी घाइते भएका छन् । प्रहरीले सुरक्षा दिन नसकेपछि फोहोर बोकेका सवारीलाई काठमाडौं नै फर्काइएको श्रेष्ठले बताए । प्रहरीले तनाव भएपछि स्थिति नियन्त्रणमा लिन ३ राउण्ड हवाई फायरसमेत गरेको स्थानीयले बताएका छन् ।
