Show/Hide Menu
ताजा समाचार
काठमाडौं । बिहीबार बिहानैबाट काठमाडौं उपत्यकामा वर्षा भएको छ । यसअघि बुधबार दिउँसो पनि काठमाडौंमा क्षणिक भारी वर्षा भएको थियो ।
जसका कारण काठमाडौंका जमल, पुतलीसडक, ललितपुरको कुपण्डोल लगायतका क्षेत्र जलमग्न बनेका थिए ।
जल तथा मौसम विभागका अनुसार आज दिउँसो प्रदेश–१, मधेस प्रदेश, वाग्मती प्रदेश, गण्डकी प्रदेशका केही स्थानमा वर्षा हुनेछ । त्यस्तै कर्णाली र लुम्बिनी प्रदेशका एकदुई स्थानमा हल्कादेखि मध्यम वर्षाको सम्भावना रहेको छ ।
राति भने प्रदेश-१, मधेस प्रदेश, वाग्मती प्रदेश र गण्डकी प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेकोे विभागले जनाएको छ ।
मौसम विभागका अनुसार, हाल नेपालको पूर्वी भूभागमा मनसुनी वायुको सामान्य प्रभाव र मध्य तथा पश्चिमी भूभागमा स्थानीय वायुको तथा भारतको उत्तर प्रदेश र बिहारमा रहेको पूर्वपश्चिमी न्यून चापीय रेखाको प्रभाव रहेको छ ।
