Show/Hide Menu
ताजा समाचार
काठमाडौं। बूढानिलकण्ठ नगरपालिका वडा नं १२ वुशुक्वान नजिक भएको करिव १४० मिटर सडक ढलान कार्य इस्टिमेट र मापदण्ड अनुसार रहेको वडा कार्यालयले दावी गरेको छ। उक्त कार्यालयले पूर्ण जाँच र अनुगमन पश्चात मात्र थप प्रकृया अगाडी बढ्ने बताएको छ।
सो ढलान कार्य सम्पन्न भए पश्चात पार कटिङ्ग गरेर ल्याव परिक्षण हुने जानकारी दिदै वडा नं १२ का वडाध्यक्ष शम्भु प्रसाद भट्टराईले उपभोक्ता समिति, स्थानीयवासी र ठेकेदारको उपस्थितिमा काम संचालन गरिएको बताउदै गुणस्तर र मापदण्डका वारेमा गरिएको अनावस्यक प्रचारको कुनै अर्थ नरहेको दावी गरेका छन् ।
भर्खरै निर्वाचन सम्पन्न भएको अवस्थामा विकास निर्माणमा राजनीतिक रंग मिसिएको हुन् सक्ने आशंका व्यक्त गर्दै अध्यक्ष भट्टराईले नगरपालिकाको बजेटमा निर्माण भैरहेको सो ढलान कार्यको अनुगमन र परिक्षण भए पश्चात मात्रै भुक्तानी दिइने प्रक्रिया रहेको जानकारी दिएका छन् ।
उक्त योजनाको काम गरिरहेका ठेकेदार राजेन्द्र गुरागाईले काम गुणस्तर र मापदण्ड अनुसार भैरहेको भन्दै अनुगमन र परिक्षणका लागि इच्छुक सबैलाई निम्ता समेत दिएका छन्।
नेकपा एकीकृत समाजवादी वडा नं १२ का अध्यक्ष रामशरण सापकोटाले आफ्नो सामाजिक संजालमा तस्विर पोस्ट गरेका थिए। उक्त तस्विरमा प्रतिक्रिया व्यक्त गर्न नगरको नेतृत्वमा रहेका नेताहरुनै उत्रिएपछी सो तस्विर स्थानीय संचार माध्यममा समाचार बन्दै राजनीतिक रंग मिसिन पुगेको थियो।
