Show/Hide Menu
ताजा समाचार
काठमाडौं । काठमाडौंको तारकेश्वर नगरपालिकामा एकै परिवारका चार जना मृत फेला परेका छन् । तारकेश्वर नगरपालिका- २ पदमसालमा एकै परिवारका चार जना मृत भेटिएका हुन् ।
गोरखा घर भई पदमसालमा बस्दै आएका दिनेश पाण्डे, उनकी श्रीमती सुनीता काप्री पाण्डे, ११ वर्षका छोरा आशिक र छोरी आशिका मृत फेला परेका तारकेश्वर नगरपालिकाका मेयर कृष्णहरि महर्जनले बताए ।
उनले भने- ‘दिनेशले परिवारका सदस्यहरुको हत्या गरेर आत्महत्या गरेको आशंका गरिएको छ । प्रहरीले अनुसन्धान गरिरहेको छ ।’
प्रहरी टोली पुगेर घटनास्थल सुरक्षित गरिसकेको उपत्यका अपराध अनुसन्धान कार्यालयका प्रमुख एसएसपी जनक भट्टराईले जानकारी दिएका छन् ।
