Show/Hide Menu
ताजा समाचार
काठमाडौं । स्थानीय तह सदस्य निर्वाचन २०७९ मा उम्मेदवार भई निर्वाचन खर्चको विवरण तोकिएको समयावधिभित्र नबुझाउने उम्मेदवारहरूले सार्वजनिक बिदाको दिनमा पनि जरिवाना बुझाउन सक्ने भएका छन् ।
कात्तिक ५ गते शनिबार सार्वजनिक बिदाको दिनमा समेत प्रदेश तथा जिल्ला निर्वाचन कार्यालयमा कार्यालय समयभित्र जरिवाना बुझाउन व्यवस्था मिलाइएको निर्वाचन आयोगले जनाएको छ ।
जरिवाना रकम नबुझाएमा समानुपातिक निर्वाचन प्रणालीतर्फ राजनीतिक दलले पेस गरेको बन्दसूचीमा समावेश भएको भए त्यस्ता उम्मेदवारहरूको नाम बन्दसूचीबाट हटाइने छ ।
आगामी मंसिर ४ गते हुने प्रतिनिधि सभा सदस्य तथा प्रदेश सभा सदस्य समानुपातिक निर्वाचन प्रणालीतर्फ राजनीतिक दलले पेस गरेको बन्दसूचीमा जरिवाना रकम नबुझाउने उम्मेदवारको नाम समावेश भएको छ ।
