काठमाडौं । काठमाडौं क्षेत्र नंं ९ बाट प्रतिनिधिसभा सदस्यमा नेकपा (एमाले) का कृष्णगोपाल श्रेष्ठ निर्वाचित भएका छन् । श्रेष्ठ ११ हजार ९५६ मत प्राप्त गर्दै विजयी भएका हुन् । श्रेष्ठका निकटतम् प्रतिद्वन्द्वी राष्ट्रिय स्वतन्त्र पार्टीका टेकबहादुर पोखरेलले १० हजार ९६१ मत प्राप्त गरेका छन् ।
सत्ता गठबन्धनकी उम्मेदवार नेकपा माओवादी केन्द्रकी कल्पना धमला ६ हजार ४०२ मतसहित तेस्रो स्थानमा सीमित भएकी छिन् ।
काठमाडौंमा लगातार आठौं पटक संसदीय निर्वाचन लडेका श्रेष्ठको यो चौथो जित हो । उनी २०४९, २०५१ र २०७४ सालका आम निर्वाचनमा विजयी बनेका थिए ।

---

---