Show/Hide Menu
ताजा समाचार
बूढानिलकण्ठ । बूढानिलकण्ठ नगरपालिकामा ११३ औ अन्तराष्ट्रिय श्रमीक महिला दिवसको अवसर पारेर महिला जनप्रतिनिधिहरु र महिला कर्मचारीहरु बीच मैत्रिपुर्ण फुटसल प्रतियोगिता सम्पन्न भएको छ।
बूढानिलकण्ठ नगरपालिका वडा नं ७ मा रहेको चौर फुटसल मैदानमा भएको खेलमा कर्मचारीहरुको टोलीले जनप्रतिनिधिहरुको टोलीलाई पराजित गरेको छ।
नगरपालिकाका महिला जनप्रतिनिधि र कर्मचारीहरुको चार टिम बनाएर भएको प्रतियोगितामा महिला कर्मचारी समुह ‘क’ विजेता बनेको छ।
उक्त समुह ३-० गोल अन्तरले विजयी बनेको हो। उक्त प्रतियोगिताको फाइनलमा कर्मचारीहरुका तर्फबाट रन्जना थापाले दुई र सावित्रा गौतमले एक गोल गरेकी थिइन।
