काठमाडौं। कपन प्रहरी प्रभागको प्रमुखमा प्रहरी निरीक्षक स्मृति सिलवालले कार्यभार सम्हालेकी छन्।
एक समारोहका बीच कपन प्रहरी प्रभागको निबर्तमान प्रमुख प्रहरी निरीक्षक कृष्णा बस्याललाई बिदाई गरि स्मृति सिलवाललाइ स्वागत गरिएको छ । यस अघि कपन प्रहरी प्रमुख रहेकी बस्याल बागमती प्रदेश प्रहरी तालिम केन्द्र ,सिन्धुली सरुवा भएकी छन् । कपन प्रहरी प्रभागको जिम्मेवारी सम्हालेकी सिलवाल नेपाल प्रहरी अपराध अनुसन्धान कार्यालय रुपन्देहीमा कार्यरत रहेकी थिइन्।
कपन प्रहरी प्रभागमा केहि बर्ष अगाडी देखि निरन्तर महिला प्रहरी निरीक्षकले कमाण्ड सम्हाल्दै आएका छन् । बिगतका केहि बर्ष यस क्षेत्रका जनप्रतिनिधि र प्रहरी निरीक्षक बीच बिभिन्न बिषयमा बिबाद समेत सिर्जना भएको थियो। भर्खरै कमाण्ड सम्हालेकी प्रहरी निरीक्षक स्मृति सिलवालको कार्यकाल कस्तो रहन्छ ? त्यो त समयको गर्भमा छदै छ।