Show/Hide Menu
ताजा समाचार
वीरगञ्ज । पर्साको वीरगञ्ज महानगरपालिकाले हैजा संक्रमणलाई मध्यनजरमा राखेर विद्यालयमा थप तीन दिन बिदा दिने निर्णय गरेको छ ।
महानगर शैक्षिक प्रशासन महाशाखा प्रमुख आनन्द लामिछानेले मंगलबार बसेको नगर प्रमुखस्तरीय बैठकको निर्णयानुसार भदौ ११ देखि १३ गते शुक्रबार सम्मका लागि बिदा दिइएको बताए। त्यसअवधिमा महानगरअन्तर्गतका सम्पूर्ण सामुदायिक तथा संस्थागत विद्यालयको पठनपाठन स्थगित गरिएको छ।
महानगरले बिदा अवधिमा शिक्षक तथा कर्मचारीहरूको टोली बनाउने भएको छ। विद्यालय सेवा क्षेत्रभित्र रहेका समुदायमा हैजा नियन्त्रणसम्बन्धी जनचेतनामूलक कार्यहरू सञ्चालन गर्न शिक्षक तथा कर्मचारीलाई परिचालन गर्न लागिएको हो।
यसअघि आइतबार र सोमबार बिदा दिइएको थियो ।
