Show/Hide Menu
ताजा समाचार
बूढानीलकण्ठ। बूढानीलकण्ठ नगरपालिका वडा नं १० धोबिखोला करिडोर देखी मिलनचोक तरकारी बजार जाने तर्फ चखुन्चा चोक सम्मको ५०० मिटर लामो बक्स कल्भर्ट निर्माण कार्य सुरु भएको छ ।
कपन डुबान समस्या समाधानका लागी सुरु भएको साततले-आनिगुम्बा परियोजना अन्तरगत तेस्रो चरणको कल्भर्ट निर्माण कार्य सुरु भएको हो ।
काठमाडौं उपत्यका विकास प्राधिकरणको विनियोजित रकम २७ करोड १ लाख १ हजार १ सय ३६ रुपैयाँमा हुन लागेको यस ५०० मिटर कल्भर्ट निर्माणको लागी ड्रागन-आर.ए-रनेसन्स जेभी कम्पनि ललितपुरले २०७९ चैत्र २ गते ठेक्का सम्झौता गरेर काम अगाडी बढाएको हो।
सम्झौता अनुसार २०८१ माघ ११ गते सम्ममा निर्माण सम्पन्न गर्ने कम्पनीले जनाएको छ।
उक्त निर्माण कार्यको आज नगर प्रमुख मिठाराम अधिकारी र नगर प्रवक्ता एबम वडाध्यक्ष नवराज भट्टराईले निरिक्षण गरेका छन् ।
बर्षौं देखि डुवान समस्या भोगी रहेका कपनबासिहरुमा यो खबरले खुशीको संचार गरेको स्थानीय बासिहरुको भनाइ छ। ।
