Show/Hide Menu
ताजा समाचार
काठमाडौं । नक्कली भुटानी शरर्णाथी प्रकरणमा पुर्पक्षका लागि थुनामा रहेका पूर्वगृहमन्त्री कांग्रेस नेता बालकृष्ण खाँण आज थुनामुक्त हुने भएका छन् ।
उनी उच्च अदालत पाटनको धरौटीमा थुनामुक्त गर्ने आदेशपछि आज थुनामुक्त हुने भएका हुन् । उच्च अदालतले ३० लाख रुपैयाँ धरौटीमा रिहा गर्न बिहीबार आदेश दिएको थियो ।
उच्चको आदेशपछि आज पूर्वं गृहमन्त्री खाँण जिल्ला अदालत पुगेर धरौटी बुझाएका हुन् ।
उनी सम्पत्ति शुद्धीकरण विभाग र अख्तियार दुरुपयोग अनुसन्धान आयोगमा पुगी प्रक्रिया पूरा गरेपछि थुनामुक्त हुनेछन् ।
जिल्ला अदालत काठमाडौंमा धरौटी बुझाएर खाँण अहिले सम्पत्ति शुद्धीकरण विभाग गएका छन् ।
त्यसको केहीबेरमा केन्द्रीय कारागार जगन्नाथदेवलले उनलाई छाड्ने छ । उनी बैशाख २७ गते पक्राउ परेका थिए ।
