Show/Hide Menu
ताजा समाचार
काठमाडौं । नेकपा एमाले बुढानीलकण्ठ नगरपालिका वडा नम्बर १० कमिटीले “जन सम्वाद” कार्यक्रम आयोजना गर्ने भएको छ। उक्त कार्यक्रममा वडा तथा नगरवासी सम्पूर्ण आम नागरिकहरु,नेकपा एमालेको स्थानीय पार्टी नेतृत्व तथा जनप्रतिनिधिहरु बिचको सम्वाद तथा छलफल कार्यक्रम संचालन गरिने वडा कमिटि अध्यक्ष शम्भु शरण पौडेलले जानकारी दिएका छन्।
बुढानीलकण्ठ नगरपालिका वडा नम्बर १० बालुवाखानिमा रहेको नगर अस्पताल नजिकैको खुला मैदानमा चैत्र २४ गते आइतबार बिहान ७ बजे खुल्ला रुपमा योजना हुने कार्यक्रममा आम नागरिकसंग नेकपा एमालेको स्थानीय पार्टी नेतृत्व तथा जनप्रतिनिधिहरुले छलफल तथा अन्तरक्रिया गर्ने आयोजकले जानकारी दिएको छ।
उक्त कार्यक्रममा सक्रिय सहभागिता जनाउन वडा तथा नगरवासी युवा, बुद्दिजिवि ,अन्य राजनीतिक दलका नेता तथा कार्यकर्ताहरु,विभिन्न महिला समुह, उपभोक्ता समिति, संघ संस्थाका प्रतिनिधिहरु लगायत सम्पूर्ण नागरिकहरुलाई अध्यक्ष शम्भु शरण पौडेलले आव्हान गरेका छन्।
