Show/Hide Menu
ताजा समाचार
काठमाडौं । बुढानिलकण्ठ नगरपालिका वडा नम्बर १२ को आयोजना तथा चम्पादेवी बहुउदेश्यीय सहकारी संस्थाको सहकार्यमा सहकारीसंग जनप्रतिनिधि कार्यक्रम अन्तर्गत विज्ञहरुसंग अन्तरक्रिया कार्यक्रम सम्पन्न भएको छ।
बुढानिलकण्ठ नगरपालिका वडा नम्बर १२ भित्र रहेका सहकारी संस्थाहरुका प्रतिनिधिहरुको सहभागीतामा भएको सो कार्यक्रममा सहकारी क्षेत्रका विविध पक्षहरुको बारेमा अन्तरक्रिया गरिएको थियो । बुढानिलकण्ठ नगरपालिका वडा नम्बर १२ का अध्यक्ष शम्भु प्रसाद भट्टराईको प्रमुख आतिथ्यतामा भएको सो कार्यक्रममा सहकारी बिज्ञहरुसंग छलफल तथा अन्तरक्रिया समेत गरिएको थियो।
नगर कार्यपालिका सदस्य तथा सामाजिक विकास समितिकि संयोजक शान्ता ढकाल पुडासैनीको अध्यक्षतामा भएको उक्त कार्यक्रममा बुढानिलकण्ठ नगरपालिका वडा नम्बर १० का अध्यक्ष तथा नगर प्रबक्ता नबराज भट्टराई ,बुढानिलकण्ठ सहकारी शाखा प्रमुख अच्युत खड्का, कास्कुनका संचालक सहकारी प्रशिक्षक कृष्ण प्रसाद आचार्य, कास्कुन सदस्य पुरुषोत्तम नेपाल, वडा सदस्यहरु इश्वरी भट्टराई , मिना बयलकोटि सहित विभिन्न टोल सुधार समितिका अध्यक्ष तथा प्रतिनिधिहरु,महिला संजालका प्रतिनिधिहरु सहितको उपस्तिथि रहेको थियो।
६८ औं राष्ट्रिय सहकारी दिवसको अवसरमा चम्पादेवी बहुउद्देश्यीय सहकारी संस्थाको ब्यवस्थापनमा भएको सो कार्यक्रममा उक्त सहकारीका अध्यक्ष काजी थापाले स्वागत मन्तव्य राखेका थिए भने सचिब गीता मिश्र पुडासैनीले कार्यक्रम संचालन गरेकी थिईन्।
कार्यक्रममा बुढानिलकण्ठ नगरपालिका वडा नम्बर १२ का अध्यक्ष शम्भु प्रसाद भट्टराई,बुढानिलकण्ठ सहकारी शाखा प्रमुख अच्युत खड्का,कास्कुन सदस्य पुरुषोत्तम नेपाल लगायतले आफ्नो मन्तव्य राखेका थिए भने सहकारी प्रशिक्षक कृष्ण प्रसाद आचार्यले सहकारी सम्बन्धि प्रशिक्षण दिएका थिए।
