Show/Hide Menu
ताजा समाचार
काठमाडौं । सुप्रिम सहकारी ठगी र संगठित अपराधसम्बन्धी मुद्दामा जिल्ला अदालतको आदेशविरुद्ध रास्वपा सभापति रवि लामिछाने र छविलाल जोशीले उच्च अदालतमा दर्ता गरेको रिटमा बहस सकिएको छ ।
उनीहरूले उच्च अदालत तुलसीपुरको बुटवल इजलासमा आदेश खारेजी माग गर्दै पुनरावेदन दिएका थिए । शुक्रबार बहस सकिएसँगै अब अदालतको आदेश जारी हुने अदालतका सूचना अधिकारी राम बहादुर कुँवरले जानकारी दिए ।
यसअघि बिहीबार बहस नसकिएपछि मुद्दा हेर्दाहेर्दैमा राखिएको थियो । जिल्ला अदालतले लामिछानेलाई १ करोड धरौटीमा रिहा गरे पनि जोशीलाई पुर्पक्षका लागि थुनामा पठाएको थियो । जोशीले पनि धरौटीमा रिहा गराउन उच्च अदालतमा निवेदन दिएका छन् ।
