Show/Hide Menu
ताजा समाचार
सुनसरी । विपद् उद्धार अभ्यासका क्रममा बिहीबार (जेठ २२) सप्तकोसी नदीमा बेपत्ता भएका एकजनाको खोजी जारी छ । नदीमा बेपत्ता सशस्त्र प्रहरी बलका दुईमध्ये एकजनाको शव फेला परिसकेको छ ।
बेपत्ता भएका दन्तकाली विशेष कार्यतालिम शिक्षालय सप्तरीमा कार्यरत हरेदेव राजवंशीको शव शुक्रबार सप्तकोसी किनारमा फेला परेको थियो । डोटीका सुरज साउद अझै बेपत्ता रहेका जिल्ला प्रहरी कार्यालय सुनसरीका एसपी सुमनकुमार तिमल्सिनाले जानकारी दिए ।
सशस्त्र प्रहरी बलका गोताखोर र तालिम प्राप्त विपद् व्यवस्थापनको टोली परिचालन गरी साउदको खोजीकार्य जारी रहेको उनले बताए ।
