Show/Hide Menu
ताजा समाचार
काठमाडौं । अख्तियार दुरूपयोग अनुसन्धान आयोगले सरकारी जग्गा व्यक्तिको नाममा करौडोको आर्थिक चलखेल गरेको आरोपमा नापी अधिकृतविरुद्ध पाँच करोड बढीको भ्रष्टाचार मुद्दा दायर गरेको छ ।
आयोगले नापी कार्यालय भैरहरवा रुपन्देहीमा कार्यरत नापी अधिकृत सुग्रीव यादवउपर ५ करोड ७९ लाख ६२ हजार ४४० रुपैयाँ विगो माग गर्दै आज विशेष अदालत काठमाडौंमा आरोप-पत्र दायर गरेको हो।
नापी अधिकृत यादवले माथिल्लो विभागीय प्रमुख र राजनीतिक व्यक्तिहरूलाई प्रभावमा पारी प्रमुख नापी अधिकृत (उपसचिव) कार्यालय प्रमुख रहने दरबन्दी रिक्त बनाइ,वैदेशिक अध्ययनमा गएका कर्मचारीको पद,दरबन्दी कायम गरी दशौं वर्ष निमित्त कार्यालय प्रमुख पदमा रही सरकारी जग्गा प्लट मिलान गर्ने नाममा सार्वजनिक जग्गाहरू व्यक्तिको नामा पारी करौंडोको आर्थिक चलखेल गरेको अनुसन्धानका क्रममा पाइएको आयोगको ठहर छ।
आयोगका अनुसार सार्वजनिक पद धारण गरेको मिति २०५३/०३ /१३ गतेदेखि २०९१/०३/१६ गतेसम्मको जाँच अवधिमा ९ करोड ३ लाख ९५ हजार ४४४ रुपैयाँ आर्जन गरेको देखिएको तर सोही अवधिमा यादवले १४ करोड ८३ लाख ५७ हजार ८८४ रुपैयाँ बराबरको सम्पत्ति खर्च तथा लगानी गरेको खुल्न आएको छ। यादवले सोही अवधिमा ५ करोड ७९ लाख ६२ हजार ४४० रुपैयाँ खर्च तथा लगानीको स्रोत पुष्टि गर्न सकेनन्।
अख्तियारले उनको श्रीमती,छोराहरूका नाममा रहेको सम्पत्तिहरू पनि जफत गर्न माग गरेको छ।
