जनरल इन्स्योरेन्सले सर्वसाधारणका लागि बिक्री गरेको आइपीओ आज असोज २० गते, मंगलबार बाँडफाँड भएको छ। कम्पनीको शेयर निष्काशन तथा बिक्री प्रबन्धक एनआईबिएल एस क्यापिटल कार्यालयको हलमा भएको बाँडफाँडमा २ लाख ७० हजार जना आवेदकले गोलाप्रथाबाट १० कित्ता शेयर हात परेका छन् भने ५ लाख २४ हजार ५४ जना आवेदकको हात खालि भएको छ। शेयर निष्काशन तथा बाँडफाँड नियमावली अनुसार गोलाप्रथाबाट २ लाख ७० हजार जना आवेदकले१० कित्ता शेयर हात परेका हुन्।
जनरल इन्स्योरेन्सको आइपीओमा कुल ७ लाख ९६ हजार ७३४ जना आवेदकबाट २ करोड १४ लाख ५९ हजार ३७० कित्ता आइपीओ खरिदको लागि आवेदन परेकोमा २ हजार १८८ जना आवेदकबाट परेको ४८ हजार ६४० कित्ता शेयरको आवेदन भने रद्द भएको क्यापिटलले जनाएको छ।
हाल कम्पनीको चुक्ता पूँजी ७० करोड रुपैयाँ छ भने आइपीओ निष्काशन पश्चात कम्पनीको चुक्ता पूँजी एक अर्ब रुपैयाँ पुग्ने भएको छ ।