काठमाडौं । प्रमुख प्रतिपक्षी दल नेकपा (एमाले) को सचिवालय बैठक आज बस्ने भएको छ । प्रचार विभाग उपप्रमुख विष्णु रिजालका अनुसार एमाले अध्यक्ष केपी शर्मा ओलीको निवास बालकोटमा दिउँसो तीन बजे बैठक बस्न लागेको हो ।
आगामी वैशाख ३० गते हुने स्थानीय तह निर्वाचनका लागि महानगर र उपमहानगरपालिकाका उम्मेद्वारको टुंगो लगाउन बैठक बस्न लागेको हो ।
महानगरपालिका र उपमहानगरपालिकाबाट उम्मेद्वारहरुको सिफारिस भए पनि एमालेले उम्मेदवारको अन्तिम टुंगो भने लगाएको छैन ।