Show/Hide Menu
ताजा समाचार
काठमाडौं । सत्तारुढ दल नेपाली कांग्रेसका शीर्ष नेताहरुको शुक्रबार मध्यरातसम्म बसेको बैठक उम्मेद्वारको टुंगो लगाउन असफल भएको छ । शुक्रबार राती अबेरसम्म बसेको बैठकमा नेताहरूले आ-आफ्नो पक्षका सिफारिस नाममा अडान लिएका कारण बैठकले कुनै निर्णय गर्न नसकेको हो ।
काठमाडौंको मेयरमा सिर्जना सिंहको नाम टुंगिएकाले शुक्रबारको बैठकमा खास चर्चा नभएको सहभागी एक नेताले जानकारी दिए ।
विराटनगरको मेयरका लागि नागेश कोइराला, भीम पराजुली, डीला संग्रौला र अमृत अर्यालको विषयमा धेरै समय छलफल भएको थियो ।
कोइरालाको पक्षमा नेता डा शेखर कोइराला उभिएका थिए । अर्का नेता कृष्ण सिटौलाले वर्तमान मेयर भीम पराजुली नै दोहोर्याउनु पर्ने अडान लिएको बैठकमा सहभागी एक नेताले जानकारी दिए ।
