Show/Hide Menu
ताजा समाचार
काठमाडौँ । काठमाडौं महानगरपालिकाभित्र रहेका समस्या तत्काल सम्बोधन गर्न दुईवटा टास्क फोर्स बन्ने भएको छ । महानगरका नवनिर्वाचित मेयर बालेन शाहले महानगरका यावत् समस्या तत्काल सम्बोधनका लागि तत्काल दुईवटा टास्क फोर्स बनाउने निर्णय गरेको बताए ।
सोमबार नगरसभाको पहिलो लाइभ बैठकमा ३२ वटै वडाका जनप्रतिनिधिहरूलाई सम्बोधन गर्दै मेयर शाहले महानगरभित्रको ढल, पानी, सडकको समस्याको सुनुवाइका लागि कल सेन्टर राख्ने र २ वटा टास्क फोर्समार्फत् तत्काल एक्सन लिने बताए ।
यसका लागि पहिलो चरणमा दुईवटा टास्क फोर्स बनाउने र आवश्यकता अनुसार थप फोर्सहरु बनाउने उनले बताए । महानगरभित्रको पानी, ढल, सडकको मर्मतसम्भार तथा विस्तारको सवालमा संघीय सरकार, भौतिक पूर्वाधार तथा यातायात मन्त्रालय र सडक विभाग, खानेपानी मन्त्रालय लगायतका सरोकारवाला निकायहरुसँग आवश्यक समन्वय गरिने जानकारी दिए ।
