Show/Hide Menu
ताजा समाचार
काठमाडौं । नेपालमा कोरोना संक्रमणदर उकालो लाग्दै गएको छ । पछिल्लो २४ घण्टामा ९० जना कोरोना भाइरसका संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १ हजार ९४४ जनाको पीसीआर परीक्षणमा ७३ जना र १ हजार १६८ जनाको एन्टीजेन परीक्षणमा १७ जना गरी ९० जना संक्रमित थपिएका हुन् ।
योसँगै कोरोना भाइरसको सक्रिय संक्रमितको संख्या ४०१ पुगेको छ । जसमध्ये ३९९ जना होम आइसोलेसनमा रहेका छन् भने २ जना संस्थागत आइसोलेसन र २ जना आईसीयूमा छन् । एकजनाको भेन्टिलेटरमा उपचार भइरहेको छ ।
त्यसैगरी पछिल्लो २४ घण्टामा २० जना संक्रमणमुक्त भएका मन्त्रालयले जनाएको छ ।
