Show/Hide Menu
ताजा समाचार
काठमाडौं । प्रतिनिधिसभाको उपसभामुखमा पुष्पा भुसाल विजयी भएकी छन् । शुक्रबार प्रतिनिधिसभामा भएको मतदानमा पाँचदलीय गठबन्धनकी साझा उम्मेदवार नेपाली कांग्रेसकी सांसद भुसालले १४८ मत प्राप्त गरी विजयी भएकी हुन् ।
भुसाललाई माओवादी केन्द्र, नेकपा एकीकृत समाजवादी, जसपा, राष्ट्रिय जनमोर्चा र लोसपाले समेत समर्थन गरेका थिए ।
यसैगरी पराजित एमालेकी विद्या भट्टराईले ९३ मत ल्याइन् । उनलाई एमालेबाहेक राप्रपाले समर्थन गरेको थियो ।
२०७६ साल माघ ६ गते तत्कालीन उपसभामुख शिवमाया तुम्बाहाम्फेले राजीनामा दिएपछि खाली रहेको यो पदमा आज चुनाव भएको हो ।
