Show/Hide Menu
ताजा समाचार
वासिङटन डिसी । अमेरिकी प्रतिनिधि सभाले नयाँ सभामुख चयन गरेको छ । लामो गतिरोधपछि शनिबार बिहान कङ्ग्रेस सदस्य केभिन म्याकार्थीलाई सभामुखमा निर्वाचित गरिएको हो ।
अमेरिकाको रिपब्लिकन पार्टीका केभिन म्याकार्थी शनिबार १५ औं चरणको मतदानपछि प्रतिनिधिसभाको सभामुखमा निर्वाचित भएका हुन् ।
यससँगै प्रतिनिधिसभामा विगत केही दिनदेखि जारी राजनीतिक गतिरोध अन्त्य भएको विश्वास गरिएको छ । ५७ वर्षीय केभिन म्याकार्थीले प्रतिनिधि सभामा डेमोक्रयाटिक पार्टीकी ८२ वर्षीया न्यान्सी पेलोसीको स्थान लिएका छन् ।
नोभेम्बर ८ मा भएको मध्यावधि निर्वाचनपछि ४ सय ३५ सदस्यीय प्रतिनिधिसभामा रिपब्लिकन पार्टीका सदस्य संख्या २२२ पुगेको थियो ।
योसँगै अमेरिकी प्रतिनिधिसभामा लोकतान्त्रिक पार्टीको बहुमत पुगेको छ । (बीबीसी)
