सिरियाको अलेपेमा भवन भत्कँदा पाँच बालबालिकासहित १६ जनाको मृत्यु 

काठमाडौँ । सिरियाको दक्षिणी प्रान्त अलेपोमा रहेको एक आवासीय भवन भत्कँदा १६ जनाको मृत्यु भएको छ ।

दुर्घटनामा पाँचजना बालबालिका पनि परेका छन् । प्रहरीका अनुसार उक्त भवनमा सात परिवार बसेका र ती परिवारका १६ जनाको ज्यान गएको हो ।

सो स्थानका स्थानीय बासिन्दाले उक्त भवनमा ३५ जनाको बसोबास रहेको बताएका छन्। भवनका भग्नावशेषबाट एकजनालाई मात्र जीवित उद्धार गरिएको छ।

प्रहरीले मृतकको सङ्ख्या अझै बढ्न सक्ने बताएको छ । यहाँको सरकारी समाचार समिति सानाले सो भवनको भग्नावशेषमा पुरिएको आशंकामा उद्धारको काम जारी रहेको जनाएको छ । (एजेन्सी)


Published :९ माघ २०७९


Copyright : © 2020-2023 All right reserved

Developed by: Abritti Media